Frühschoppen beim Ziagler

Es war zwar koa Veranstaltung der "Edelweißer" Trachtler, aber nachdem vui von uns dabei warn gibt's an kloana Bericht mit a paar Buidl.

sIMG 20200816 134733

Zuallererst möcht ma uns bei Renate und Xav Gartmeier recht herzlich bedanga, de uns zu dem Frühschoppen bei eahna im Garten kurzfristig einglad'n ham. Des Wetter hätt ned scheener sei kina, im Schatten vom Apfelbaam bei an lauem Windal wars richtig guat zum Aushalten. Für Getränke und Sitzgelegenheiten war gsorgt, vui ham a Brotzeit oder Kuchen selber mitbracht - ein Zugeständnis an die aktuelle Corona Situation. Es tuat wieder mal richtig guat zum Rauskemma, bekannte Gsichter zum seing und gmiatlich zu Ratschen. Da Georg und da Thomas ham eahna Ziach und da Ludwig de Tuba dabei ghabt und so is schnell a guate Stimmung aufkemma - no dazu wo der Ludwig sei neue Lederhosen ausführn hat derfa. Unser Vorstand Christian hat de Gelegenheit g'nutzt, allte Trachtler und solche de's werden wollen begriaßt und auf die nächsten Termine higwiesen. Als da wären der um eine Woche vorgezogene Trachtenjahrtag am 20. September und die Einladung zur Hochzeit von Sebastian und Marina am 14.November. Moni Stacheder berichtet dass der heurige Vereinsausflug nach Landsberg am Lech voraussichtlich stattfinden ko. De Zeit is grad so verganga, sei's beim Ratschen, beim Karteln oder bei Platteln der Amboß-Polka.

Text und Fotos: FH